डेब्रिज टाकणाऱ्यांवर सिडकोची नजर
महाराष्ट्र टाइम्स.कॉम•
मुंबईतील विकासकामांतून निर्माण होणाऱ्या डेब्रिज नवी मुंबई-पनवेल परिसरात टाकल्या जात असल्याचे अनेकदा निदर्शनास आले आहे. सिडकोच्या अनधिकृत बांधकाम नियंत्रण पथकासह अभियांत्रिकी विभाग, वाहतूक पोलिस आणि स्थानिक पोलिसांच्या मदतीने या कारवाया केल्या जात आहेत. गुरुवारी, खारघर से. ३७ येथील मोकळ्या जागेत डेब्रिज टाकण्यापूर्वीच डंपरचालक लालला हुसेन शिपाई (५३, रा. कोपरा गाव) याच्यावर कारवाई करण्यात आली. अन्य घटनांमध्ये डंपरचालक आबेद शहानुर शेख (४४, रा. मुंब्रा, ठाणे), चालक जब्बार अहमद शेख (४३, रा. ओवे) यांनाही पहाटे ताब्यात घेण्यात आले.डेब्रिज वाहतूक प्रकरणांत बहुतांश वेळा डंपरचालकांवर गुन्हे दाखल केले जातात. मात्र, डंपरमालकांवर कारवाईबाबत सिडको आणि पोलिसांकडून नरमाईची भूमिका घेतली जात असल्याचा आरोप केला जात आहे.
हेही वाचा
परतीच्या प्रवासाला कोंडीचे विघ्न
कोकणासाठी चार विशेष एक्स्प्रेस
झोपड्यांबाबत भूमिका स्पष्ट करा
‘वाटद डिफेन्स क्लस्टरबाबत अहवालानंतर निर्णय’
खांबातील वीजप्रवाहाने मृत्यू; कंत्राटदारावर गुन्हा
इजिप्तवरून फळांचे कंटेनर; भूलथापा देऊन फसवणूक
दारूसाठी पैसेेन दिल्याने वार
‘शिक्षणातूनच विकास शक्य’
भाज्यांसह फुलांचे दर घटले
परंपरांच्या दस्तऐवजीकरणासाठी स्पर्धा