शेफालीचे शतक; भारत अंतिम फेरीत
महाराष्ट्र टाइम्स.कॉम•
नाणेफेक जिंकून प्रथम फलंदाजी स्वीकारल्यानंतर भारताने निर्धारित २० षटकांत ४ बाद १९५ धावांपर्यंत मजल मारली. शेफालीने अवघ्या ४९ चेंडूंत नाबाद १०० धावांची खेळी करून टी-२० आंतरराष्ट्रीय क्रिकेटमधील आपले पहिले शतक झळकावले. तिच्या शतकी खेळीत नऊ षटकार व तीन चौकारांचा समावेश होता. भारताच्या लक्ष्याचा पाठलाग करताना बांगलादेशचा डाव सुरुवातीपासूनच विस्कळित झाला. ठरावीक अंतराने फलंदाज बाद होत गेल्याने बांगलादेशचा डाव १५.४ षटकांत अवघ्या ८१ धावांत गारद झाला. धावांच्या फरकाने बांगलादेशविरुद्ध भारताचा हा दुसरा सर्वांत मोठा विजय ठरला. भारताकडून दीप्ती शर्मा आणि नंदनी शर्माने प्रत्येकी तीन विकेट घेतल्या.संक्षिप्त धावफलक : भारत - २० षटकांत ४ बाद १९५ ( शेफाली वर्मा नाबाद १००, स्मृती मानधना ३७, हरमनप्रीत कौर ४०, संजिदा अख्तर मेघ्ला ४-०-२५-१) वि. वि. बांगलादेश - १५.४ षटकांत सर्व बाद ८१ (दिलारा अख्तर २७, सुलताना खातून नाबाद १२, क्रांती गौड ३-०-२०-१, नंदनी शर्मा ४-०-२५-३, श्री चरणी ३-१-७-२, श्रेयांका पाटील ३-०-२२-१, दीप्ती शर्मा २.४-०-७-३).
हेही वाचा
परतीच्या प्रवासाला कोंडीचे विघ्न
कोकणासाठी चार विशेष एक्स्प्रेस
झोपड्यांबाबत भूमिका स्पष्ट करा
‘वाटद डिफेन्स क्लस्टरबाबत अहवालानंतर निर्णय’
खांबातील वीजप्रवाहाने मृत्यू; कंत्राटदारावर गुन्हा
डेब्रिज टाकणाऱ्यांवर सिडकोची नजर
इजिप्तवरून फळांचे कंटेनर; भूलथापा देऊन फसवणूक
दारूसाठी पैसेेन दिल्याने वार
‘शिक्षणातूनच विकास शक्य’
भाज्यांसह फुलांचे दर घटले