कारगिल : पर्यावरण कार्यकर्ते सोनम वांगचुक यांचे रविवारी कारगिलमध्ये स्वागत करण्यात आले. या वेळी त्यांनी संपूर्ण लडाख आणि देशभरात एकतेचे आवाहन केले; तसेच केंद्रशासित प्रदेशासाठी लोकशाही आणि घटनात्मक हक्कांच्या मागणीचा पुनरुच्चार केला.
राष्ट्रीय सुरक्षा कायद्यांतर्गत (एनएसए) जोधपूर कारागृहात जवळपास सहा महिने स्थानबद्धतेनंतर १४ मार्च रोजी सुटका झाल्यापासून सोनम वांगचुक यांची कारगिलला ही पहिली भेट होती. त्यांच्या पत्नीने सर्वोच्च न्यायालयात बंदी प्रत्यक्षीकरण याचिका दाखल केल्यानंतर केंद्राने त्यांच्या स्थानबद्धतेचे कारण रद्द केले आणि त्यानंतर त्यांची सुटका झाली.
