एअर इंडियाची तिकिटे महागणार

मुंबई : देशांतर्गत आणि आंतरराष्ट्रीय उड्डाणांवर आठ एप्रिलपासून इंधन अधिभार आकारला जाणार आहे, असे एअर इंडिया समूहाने मंगळवारी जाहीर केले. यामुळे तिकिटांच्या किमतीत वाढ होणार आहे.

देशांतर्गत उड्डाणांवर हा अधिभार २९९ ते ८९९ रुपये असेल, तर आंतरराष्ट्रीय मार्गांवर २४ डॉलर (सुमारे २,२०० रुपये) ते २८० डॉलर (सुमारे २५ हजार रुपये) अधिभार आकारला जाईल. काही मार्गांसाठी अधिभार नंतर जाहीर होणार आहे.