ठाणे : घोडबंदर रोड येथील कासारवडवली भागात १२ मजली इमारतीत लिफ्टमध्ये अडकलेल्या तीन मुलांची सुखरूप सुटका करण्यात आली. या मुलांना अग्निशमन दलाने तत्काळ लिफ्टमधून बाहेर काढल्याने मोठा अनर्थ टळला.
कासारवडवली गाव परिसरात असलेल्या महापालिकेच्या या इमारतीत चौथ्या मजल्यावर लिफ्टमध्ये तांत्रिक बिघाड झाला. त्यामुळे या इमारतीतील ९ ते १५ वर्षे वयोगटातील मुले अडकली. या मुलांना अग्निशमन दलाचे जवान, लिफ्ट टेक्निशियन व स्थानिक रहिवाशांच्या मदतीने सुखरूपपणे बाहेर काढण्यात आले.
