नागपूर : उन्हाच्या वाढत्या तडाख्यापासून वाचण्यासाठी आपण कुलरचा आधार घेतो. याच कुलरच्या गारव्याने अजगरालाही आकर्षित केल्याची धक्कादायक घटना समोर आली आहे. कळमेश्वर तालुक्यातील बोरगाव येथील खडसे कुटुंबाच्या घरात थंड कुलरच्या समोर असणाऱ्या पलंगाखाली हा अजगर विसावला.
तीन दिवसांपूर्वी गुरुवारी किरण खडसे या घरी सकाळी झाडू लावत असताना पलंगाच्या खाली काळी शेपूटसदृश वस्तू हलताना दिसली. टॉर्च लावून तपासले असता अजगर गुंडाळी मारलेल्या अवस्थेत आढळला.
