लिपिक परीक्षेतही गोंधळ
Contributed by: संस्थापक,छत्रपती संभाजीनगर|महाराष्ट्र टाइम्स•
न्यायालयीन लिपिक पदांसाठी रविवारी विविध केंद्रांवरून ऑनलाइन परीक्षा घेण्यात आली. राज्यभरातील अनेक परीक्षा केंद्रांवर या परीक्षेदरम्यान मोठा गोंधळ उडाला. परीक्षा सुरू होताच अचानक सर्व्हर डाउन झाल्याचा दावा परीक्षार्थी उमेदवारांकडून करण्यात आला. तांत्रिक बिघाडामुळे परीक्षा खोळंबल्याचा आरोप करीत उमेदवारांनी परीक्षा केंद्राबाहेर संताप व्यक्त केला. छत्रपती संभाजीनगरमधील सेव्हन हिल परिसरातील केंद्राबाहेर विद्यार्थ्यांनी जोरदार घोषणाबाजी सुरू केली, ठिय्या मांडत परीक्षेबाबत तक्रारी मांडल्या. संगणक, की-बोर्ड योग्य पद्धतीने काम करीत नव्हते, सर्व्हरच्या अडचणींमुळे परीक्षा देता आली नाही, परीक्षेचे नियोजनही व्यवस्थित नव्हते, अशा तक्रारी उमेदवारांनी मांडल्या. यानंतर दीपके यांनी परीक्षार्थी उमेदवारांच्या समर्थनार्थ परीक्षा केंद्रावर हजेरी लावत आंदोलनात सहभाग नोंदविला. उमेदवारांनी त्यांच्यासमोर अडचणी मांडल्या. प्रशासनाने उमेदवारांचे म्हणणे ऐकून घ्यावे, फेरपरीक्षा घ्यावी, अशी मागणीही दीपके यांनी केली.कल्याण : न्यायालयीन लिपिक पदाच्या परीक्षेसाठी कल्याण केंद्रावर आलेल्या शेकडो विद्यार्थ्यांना परीक्षा केंद्रावरील अनियमितता आणि गोंधळाचा फटका बसला. सकाळी ६ वाजता केंद्रावर उपस्थित राहिलेल्या विद्यार्थ्याना संध्याकाळी उशिरापर्यत थांबून देखील परीक्षा देता आली नसल्याने विद्यार्थ्यांनी गोंधळ घालत प्रशासनाला जाब विचारला. केंद्रावरील गोंधळाची माहिती घेण्यासाठी आलेल्या न्यायाधीशांकडून देखील विद्यार्थ्याच्या समस्येवर तोडगा काढता आला नसल्याने विद्यार्थ्यांनी संताप व्यक्त केला. दरम्यान, न झालेली परीक्षा पुन्हा घेण्याची मागणी विद्यार्थ्यांनी केली. याबाबतचा अहवाल उच्च न्यायालयाकडे सादर केला जाणार असून, त्यानंतर याबाबत निर्णय घेतला जाणार असल्याचे पाहणी करण्यासाठी आलेल्या न्यायालयीन अधिकाऱ्यांनी सांगितले.
हेही वाचा
तेरा लाखांची फसवणूक
अबोली रिक्षा पुरुषांच्या हाती
रस्ता सुरू करावा
‘सूस, तळेगाव’ प्रकल्पांचे ‘ऑडिट’
खासगी, अभिमत विद्यापीठांतही मराठी विभाग
पावणेतीन कोटींची १० जणांची फसवणूक
धरणांच्या पाण्यावर सौरऊर्जा
एन्डोस्कोपिक कॅमेऱ्याने पेपरफुटी
आम्हाला काय वाटते हे जाणून घ्या...
विचार जाणून घेण्यासाठी आलो