काँग्रेस घेणार उभारी
महाराष्ट्र टाइम्स•
आगामी काळातील राजकीय आणि संघटनात्मक आव्हानांना सामोरे जाण्यासाठी काँग्रेसने नाशिकमध्ये दहा दिवसांचे राज्यस्तरीय निवासी प्रशिक्षण शिबिर आयोजित केले आहे. अखिल भारतीय काँग्रेस कमिटीच्या प्रशिक्षण विभागाच्या नेतृत्वाखाली आणि महाराष्ट्र प्रदेश काँग्रेस कमिटीच्या सहभागाने होणाऱ्या या शिबिराला आज, सोमवारपासून सुरुवात होईल. बुधवारी, २ सप्टेंबरला पक्षाचे शीर्षनेते राहुल गांधी यांच्या प्रमुख उपस्थितीत शिबिराचा समारोप होईल.गंगापूर धरणालगत ‘एमटीडीसी’च्या ‘ग्रेप पार्क’ रीसॉर्टमध्ये हे शिबिर होणार आहे. रविवारी स्थानिक पदाधिकाऱ्यांनी शिबिराच्या नियोजनाला व तयारीला अंतिम रूप दिले. अखिल भारतीय काँग्रेस कमिटीच्या सचिव रेहाना चिश्ती, महाराष्ट्र प्रदेश काँग्रेसचे उपाध्यक्ष मोहन जोशी, भारत पाटील, काँग्रेस शहराध्यक्ष नीलेश खैरे, जिल्हा काँग्रेस दक्षिण विभागाचे जिल्हाध्यक्ष भारत टाकेकर, जयेश पोकळे, जिल्हा काँग्रेस अनुसूचित जाती विभागाचे अध्यक्ष ज्ञानेश्वर काळे यांनी रविवारी प्रशिक्षणस्थळी पाहणी करून तयारीवर अखेरचा हात फिरविला. शिबिरात काँग्रेसची विचारधारा, देशाच्या राजकारणातील पक्षाची भूमिका, आगामी काळातील पक्षाची दिशा व रणनीती, संघटनात्मक तयारी आणि पक्षासमोरील राजकीय आव्हाने यावर सविस्तर चर्चा होणार आहे. नव्या पिढीतील कार्यकर्त्यांच्या अपेक्षा, प्रश्न आणि राजकीय दृष्टिकोन यांनाही प्रशिक्षणामध्ये विशेष महत्त्व दिले जाणार आहे. हे बंदिस्त शिबिर निमंत्रित पदाधिकाऱ्यांसाठीच असून, लोकसभेचे विरोधी पक्षनेते राहुल गांधी यांच्यासह, प्रदेशाध्यक्ष हर्षवर्धन सपकाळ, पक्षाचे राष्ट्रीय स्तरावरील नेते या शिबिरात मार्गदर्शन करणार आहेत. पदाधिकाऱ्यांसाठी ग्रामीण भागात मुक्काम व मनरेगाच्या अनुभवाचे विशेष नियोजन करण्यात आले आहे.
हेही वाचा
एक तरी पतसंस्था चालवून दाखवा
रानडुकरांनी फस्त केले मक्याचे पीक
भारत दौऱ्याची घाई नाही
बीड जिल्ह्यात पाऊस गायब
सात राज्यांसाठी रणनीती बैठक
देवदत्त पडिक्कलने भारताला तारले
...तरीही नागरिकतेचा पुरावा मागितला
युवांनो, संविधानाची ताकद ओळखा!
आंदोलनांदरम्यान संयम बाळगा
२१६ स्टार कासवांचे ‘ताडोब्या’मध्ये पुनर्वसन
