अंशुमन झिंगरानची विश्वविक्रमी झेप
महाराष्ट्र टाइम्स•
३० जून २०२६ रोजी जपानमधील त्सुगारू सामुद्रधुनी पार करून अंशुमनने ‘ओशन सेव्हन’ मोहिमेतील सातवे आणि अंतिम आव्हान पूर्ण केले. त्याने हे अंतर ११ तास ३७ मिनिटे ४१ सेकंदांत पार केले. या ऐतिहासिक कामगिरीनंतर गिनीज वर्ल्ड रेकॉर्डने त्याच्या विक्रमावर शिक्कामोर्तब केले. अंशुमनच्या या यशामागे वाशी येथील फादर एग्नेल स्पोर्ट्स सेंटरमधील प्रशिक्षणाचा मोठा वाटा आहे. प्रशिक्षक गोकुळ कामत यांच्या मार्गदर्शनाखाली त्याने सातत्याने सराव केला. अंशुमनने जुलै २०२३मध्ये वयाच्या १८ वर्षे १२६ दिवसांत उत्तर आयर्लंड ते स्कॉटलंडदरम्यानचा खडतर नॉर्थ चॅनल पोहून पार केला होता. तब्बल ११ तास २८ मिनिटे ५२ सेकंदांत ही मोहीम पूर्ण करून त्याने ‘यंगेस्ट मेल टू स्विम द नॉर्थ चॅनल’ हा गिनीज वर्ल्ड रेकॉर्ड आपल्या नावावर केला होता. या पहिल्या विश्वविक्रमाने त्याला ‘ओशन सेव्हन’चे आव्हान स्वीकारण्याची प्रेरणा दिली. मोठे स्वप्न
‘ओशन सेव्हन’ची तुलना ओपन-वॉटर जलतरणातील माउंट एव्हरेस्टच्या सात शिखरांच्या मोहिमेशी केली जाते. जगातील सात प्रतिष्ठित आणि अत्यंत कठीण समुद्रमार्ग पार करणे हे प्रत्येक मॅरेथॉन जलतरणपटूचे मोठे स्वप्न मानले जाते.
हेही वाचा
पर्यटकांवर अस्मानी
‘पर्यटकांनो, परिस्थिती शांतपणे सांभाळा’
हेलिकॉप्टर, ड्रोनद्वारे बचावकार्य
भारताकडून आणखी मदत
कंपनीच्या घशात १३० कोटी
दिव्यांग मुलांच्या चेहऱ्यावर खुलले हास्य
‘अंत पाहू नये’
वाहतूक नियमनासाठी विद्यार्थी रस्त्यावर
अनधिकृत आठवडा बाजारांवर कारवाई
श्रमदानातून स्मशानभूमीची डागडुजी आणि स्वच्छता
