वाहतूक नियमनासाठी विद्यार्थी रस्त्यावर
महाराष्ट्र टाइम्स•
सीवूड्स वाहतूक शाखेच्या वतीने २५ ऑगस्ट रोजी दुपारी करावे गाव परिसरातील ज्ञानदीप शाळा, टी. एस. चाणक्य सिग्नल आणि करावे गाव कमान येथे ‘वन डे ट्रॅफिक कॉप्स’ उपक्रम राबविण्यात आला. या उपक्रमांतर्गत वाहतूक पोलिसांनी शाळेतील स्काऊट-गाईड विद्यार्थ्यांना वाहतूक नियम, सिग्नलचे महत्त्व, रस्ता ओलांडताना घ्यावयाची काळजी, तसेच वाहनचालकांनी पादचाऱ्यांना द्यावयाचे प्राधान्य याबाबत मार्गदर्शन केले. यानंतर विद्यार्थ्यांनी वाहतूक पोलिसांसोबत रस्त्याच्या दोन्ही बाजूंची वाहतूक सुरक्षितपणे थांबवून शाळकरी मुलांना रस्ता ओलांडून देण्याचे प्रात्यक्षिक केले. ‘वाहतूक नियम केवळ पोलिसांसाठी नसून प्रत्येक नागरिकाच्या सुरक्षिततेसाठी आहेत,’ असा संदेश यावेळी देण्यात आला.नवी मुंबई वाहतूक विभागाचे पोलिस उपायुक्त डॉ. राहुल खाडे यांच्या मार्गदर्शनाखाली सीवूड्स वाहतूक शाखेच्या वरिष्ठ पोलिस निरीक्षक मोहिनी लोखंडे आणि वाहतूक शाखेच्या अंमलदारांनी हा उपक्रम राबविला. यावेळी ज्ञानदीप शाळेचे मुख्याध्यापक तांडेल आणि सुमारे ६० विद्यार्थी उपस्थित होते.
हेही वाचा
पर्यटकांवर अस्मानी
‘पर्यटकांनो, परिस्थिती शांतपणे सांभाळा’
हेलिकॉप्टर, ड्रोनद्वारे बचावकार्य
भारताकडून आणखी मदत
कंपनीच्या घशात १३० कोटी
दिव्यांग मुलांच्या चेहऱ्यावर खुलले हास्य
‘अंत पाहू नये’
अनधिकृत आठवडा बाजारांवर कारवाई
श्रमदानातून स्मशानभूमीची डागडुजी आणि स्वच्छता
कल्याणात अँटी-रेबीज लसीकरण