शहापूरमध्ये शेकडो महिलांचा मोर्चा
महाराष्ट्र टाइम्स•
शहापूर तालुका १०० टक्के अनुसूचित क्षेत्र आहे. तालुक्यातील दुर्गम वाड्या-वस्त्यांमध्ये मोठ्या प्रमाणावर आदिवासी व कातकरी कुटुंबे वास्तव्यास आहेत. शासनाने २८ जून, २०२४ रोजी ‘मुख्यमंत्री माझी लाडकी बहीण’ योजना सुरू केली. ३ जुलै, २०२४च्या शासन निर्णयानुसार २१ ते ६५ वयोगटातील पात्र महिलांचा यात समावेश करण्यात आला. मात्र, शहापूर तालुक्यातील दुर्गम भागात इंटरनेट, मोबाइल व बँकिंग सुविधांचा अभाव असल्याने, तसेच ई-केवायसी, आधार लिंक, बँक खात्यातील त्रुटी अशा तांत्रिक अडचणींमुळे अनेक अशिक्षित आणि गरीब महिलांचा सन्मान निधी प्रलंबित राहिला आहे.या योजनेचा उद्देश महिलांना स्वावलंबी बनवणे हा असताना केवळ डिजिटल प्रक्रियेतील त्रुटींमुळे आदिवासी महिलांना वंचित ठेवणे अन्यायकारक आहे, असे संघटनेचे मत आहे. ई-केवायसी, बँक खाते व आधार जोडणीतील अडचणी दूर करण्यासाठी दुर्गम वाड्या-वस्त्यांमध्ये विशेष शासकीय शिबिरे आयोजित करावीत, अशी संघटनेची मागणी आहे.
हेही वाचा
पर्यटकांवर अस्मानी
‘पर्यटकांनो, परिस्थिती शांतपणे सांभाळा’
हेलिकॉप्टर, ड्रोनद्वारे बचावकार्य
भारताकडून आणखी मदत
कंपनीच्या घशात १३० कोटी
दिव्यांग मुलांच्या चेहऱ्यावर खुलले हास्य
‘अंत पाहू नये’
वाहतूक नियमनासाठी विद्यार्थी रस्त्यावर
अनधिकृत आठवडा बाजारांवर कारवाई
श्रमदानातून स्मशानभूमीची डागडुजी आणि स्वच्छता
