औद्योगिक उत्पादनात घट

महाराष्ट्र टाइम्स.कॉम•
औद्योगिक उत्पादनात घट
सांख्यिकी आणि कार्यक्रम अंमलबजावणी मंत्रालयाने शुक्रवारी जाहीर केलेल्या आकडेवारीनुसार, उत्पादन क्षेत्रातील ७.३ टक्के वाढ आणि वीज व गॅस पुरवठ्यातील ८.७ टक्के वाढीच्या पाठबळावर, जुलै २०२६ मध्ये देशाच्या औद्योगिक उत्पादनात वार्षिक आधारावर जूनच्या तुलनेत घट झाली असून, ही वाढ ६.७ टक्के झाली आहे.

औद्योगिक उत्पादन निर्देशांक ( आयआयपी ) गेल्या वर्षी याच महिन्यातील ११७.०च्या तुलनेत जुलै २०२६मध्ये १२४.८वर पोहोचला. मात्र, औद्योगिक वाढ जून २०२६मध्ये नोंदवलेल्या ७.३ टक्क्यांवरून घटली. वस्तूनिर्मिती (मॅन्युफॅक्चरिंग) क्षेत्रातील वाढ व्यापक स्वरूपाची होती. कारण, दोन अंकी राष्ट्रीय औद्योगिक वर्गीकरण स्तरावरील २३ उद्योग गटांपैकी १९ गटांनी गेल्या वर्षीच्या जुलैच्या तुलनेत सकारात्मक वाढ नोंदवली. मंत्रालयाच्या मते, वाहन क्षेत्रात, वाहनांचे सुटे भाग, प्रवासी कार आणि व्यावसायिक वाहनांनी या वाढीत लक्षणीय योगदान दिले. वापर-आधारित वर्गीकरणात गुंतवणूक आणि औद्योगिक उपक्रमांशी संबंधित श्रेणींमध्ये मजबूत वाढ दिसून आली. भांडवली वस्तूंचे उत्पादन वार्षिक आधारावर १६.१ टक्के वाढले, तर मध्यवर्ती वस्तूंचे उत्पादन १० टक्के वाढले.
पायाभूत सुविधा आणि बांधकाम वस्तूंमध्ये ६.९ टक्के वाढ नोंदवली गेली. प्राथमिक वस्तूंचे उत्पादन ४.१ टक्के वाढले. ग्राहकोपयोगी टिकाऊ वस्तूंचे उत्पादन १०.५ टक्के वाढले. मात्र, ग्राहकोपयोगी नाशवंत वस्तूंचे उत्पादन जुलै २०२५ च्या तुलनेत १ टक्के घटले. निर्देशांकाच्या दृष्टीने, जुलैमध्ये भांडवली वस्तू १४१.८ वर, मध्यवर्ती वस्तू १३०.९ वर आणि पायाभूत सुविधा व बांधकाम वस्तू १३६.२ वर होत्या. जुलैचे आकडे हे प्राथमिक अंदाज आहेत आणि स्रोत संस्थांकडून अधिक माहिती प्राप्त झाल्यावर त्यात सुधारणा केली जाईल. ऑगस्ट २०२६ चा समावेश असलेले पुढील ‘आयआयपी’ २८ सप्टेंबरला नियोजित आहे.

हेही वाचा