पुणे : प्रजापिता ब्रह्माकुमारी ईश्वरीय विश्वविद्यालयातर्फे ९०व्या महाशिवरात्री पर्वाचे औचित्य साधून नुकतेच प्रदर्शनाचे आयोजन केले होते. ‘ सहस्र शिवलिंग दर्शन ’ हे प्रदर्शनाचे मुख्य आकर्षण ठरले.
प्रभात रस्ता परिसरात आयोजित या कार्यक्रमात मनःशांती, सकारात्मक चिंतन आणि मनोबल कसे वाढवावे, यासंबंधी मार्गदर्शन करण्यात आले. या वेळी नगरसेविका मिताली सावळेकर आणि भाजपचे पदाधिकारी गिरीश खत्री उपस्थित होते. या प्रदर्शनाला प्रीझम फाउंडेशन स्कूलचे ४० विद्यार्थी आणि दहा शिक्षक उपस्थित होते. ई-लर्निंग स्कूलचे ६० विद्यार्थी आणि सहा शिक्षकही आवर्जून उपस्थित होते.
