संत गाडगेबाबा यांची जयंती सोमवारी सर्वत्र उत्साहात साजरी करण्यात आली. विविध पक्ष, संघटनांतर्फे जयंती निमित्ताने अभिवादन करण्यात आले. थोर समाजसुधारक संत गाडगेबाबा यांच्या जयंतीनिमित्त जिल्हाधिकारी कार्यालयात आयोजित कार्यक्रमात नायब तहसीलदार रेवणनाथ ताठे यांनी संत गाडगेबाबा यांच्या प्रतिमेस पुष्पहार अर्पण करून अभिवादन केले. जिल्हाधिकारी कार्यालयातील अधिकारी-कर्मचारी या वेळी उपस्थित होते.
महापालिका मुख्यालयात महापौर समीर राजूरकर यांनी संत गाडगेमहाराज यांच्या प्रतिमेस पुष्पहार अर्पण करून अभिवादन केले. या प्रसंगी आयुक्त जी. श्रीकांत, नगरसेवक शिवाजी दांडगे, ऋषिकेश जैस्वाल, रामेश्वर भादवे, नगरसेविका सुनीता सोळुंके, कीर्ती शिंदे, करुणा जाधव, मोहन साळवे, माहिती व जनसंपर्क अधिकारी तौसिफ अहमद, रवींद्र खरात, अतुल बनकर, संतोष कोठाळे आदी उपस्थित होते.
