पुरंदर विमानतळ भूसंपादनाचा मार्ग मोकळा
महाराष्ट्र टाइम्स•
पुरंदर विमानतळासाठी आवश्यक जमिनीचे भूसंपादन करण्यासाठी ‘हुडको’मार्फत निधी उपलब्ध करून देण्यात येणार आहे. विधेयकावरील चर्चेदरम्यान विरोधकांनी सरकारवर प्रश्नांची सरबत्ती केली. माजी विरोधी पक्षनेते अंबादास दानवे यांनी पुरंदरमधील भूसंपादन प्रक्रियेवर गंभीर आक्षेप घेऊन, स्थानिक शेतकऱ्यांऐवजी इतर धनिकांच्या जमिनींचा मोठ्या प्रमाणावर समावेश असल्याचा आरोप केला. ‘एमआयडीसी’च्या भूसंपादनात कार्यरत असलेली एक टोळी या प्रक्रियेत सक्रिय असल्याचा दावाही केला. भूसंपादनाची माहिती अधिकाऱ्यांकडून ठरावीक लोकांना मिळत असते. त्या व्यक्ती तेथे जमिनी खरेदी करतात आणि त्यानंतर ‘एमआयडीसी’कडून जमीन संपादित केली जाते. असाच प्रकार पुरंदरमध्ये झाला असून ‘पवार’, ‘शिंदे’ यांच्या जमिनींची मालकी आता ‘अग्रवाल’, ‘लोढा’ यांच्या नावावर असल्याचे दिसत असल्याचा आरोप दानवे यांनी केला.
‘कर्ज घेण्याची क्षमता वाढवताना संबंधित संस्थेने निकष पूर्ण केले आहे का? या मंडळाची हा प्रकल्प पूर्ण करण्याची आर्थिक क्षमता आहे का? याचा खुलासा करावा,’ अशी मागणी आमदार अनिल परब यांनी केली. दरम्यान, ‘दानवे यांनी केलेल्या आरोपांची खातरजमा करून त्यांना सविस्तर माहिती देण्यात येईल,’ असे देसाई म्हणाले.
हेही वाचा
दुचाकीच्या धडकेत महिलेचा मृत्यू
‘...तर सावरकर पंतप्रधान झाले असते’
सुरक्षारक्षकाचा मृतदेह आढळला
बिश्नोई गँगच्या तिघांना अटक; ‘मकोका’अंतर्गत कारवाई
माउलींच्या पालखीचेआज प्रस्थान
‘अखंडद्वारे जातीव्यवस्था मोडण्याचाच संदेश’
‘क्वीन्स गार्डन’ भागात घरांच्या आवारात पाणी
शिका ‘माइंडफुलनेस मेडिटेशन’
कामगाराचा मृत्यू; कंत्राटदारावर गुन्हा
महेश पतंगे यांचे निधन
