‘बीएलओ म्हणून नियुक्ती रद्द करा’
महाराष्ट्र टाइम्स•
विशेष संक्षिप्त मतदार यादी पुनर्निरीक्षण कार्यक्रमांतर्गत मतदार यादी अद्ययावत करण्याचे काम सुरू आहे. त्यासाठी राज्यातील अनेक अंगणवाडी सेविकांची बीएलओ म्हणून नियुक्ती करण्यात आली आहे. मात्र, या निर्णयामुळे अंगणवाडीतील मूलभूत सेवा प्रभावित होण्याची भीती संघटनेने व्यक्त केली आहे.संघटनेच्या म्हणण्यानुसार, प्रत्येक गावात ८०० ते १,००० लोकसंख्येमागे एक अंगणवाडी सेविका कार्यरत असते. बालकांचे पोषण, गर्भवती व स्तनदा मातांचे आरोग्य, लसीकरण, पूर्वप्राथमिक शिक्षण, पोषण अभियान तसेच विविध शासकीय योजनांची अंमलबजावणी अशा अनेक जबाबदाऱ्या त्या पार पाडतात. त्यात मतदार यादी पुनर्निरीक्षणाचे काम सोपवल्यास नियमित सेवांवर परिणाम होऊ शकतो.
बीएलओ नियुक्तीसाठी शासकीय किंवा निमशासकीय कर्मचारी असणे आवश्यक आहे. मात्र, अंगणवाडी सेविका या त्या श्रेणीत येत नसल्याने ही नियुक्ती नियमबाह्य असल्याचा दावा संघटनेने केला आहे. निवडणूक आयोगाने हा निर्णय तातडीने मागे घेऊन अंगणवाडी सेविकांना मूळ सेवांवर लक्ष केंद्रित करण्याची संधी द्यावी, अशी मागणी संघाचे चिटणीस राजेश सिंह यांनी केली.
हेही वाचा
उपवनात विठ्ठल महाआरती
काँग्रेसची निदर्शने
‘ज्ञानसाधना’ची संशोधनात भरारी
सरळसेवा परीक्षा सुरळीत
निविदा प्रक्रियेवर प्रश्न
कारगिल शौर्यगाथा उद्या डोंबिवलीत
ठाण्यामध्ये ग्रामीण डाक सेवकांचे संमेलन
‘मधली...’मधून नाते जपण्याचा संदेश
सुब्रोतो चषकाच्या शुल्कावरून नाराजी
मुख्यमंत्र्यांच्या वाढदिवसानिमित्त उपक्रम