छत्रपती संभाजीनगर : कोल्हापूरात भांडवलीमूल्यावर मालमत्ता कराची आकारणी करण्यात आलेली आहे, तर सोलापुरात ई-बिल पद्धत अवलंबली जात असल्याचे पालिकेच्या अधिकाऱ्यांच्या निदर्शनास आले. या अधिकाऱ्यांनी नुकताच कोल्हापूर आणि सोलापूर महापालिकेचा अभ्यास दौरा केला.
दौऱ्यात आयुक्त अमोल येडगे, अतिरिक्त आयुक्त रणजीत पाटील, उपायुक्त तथा करमूल्य निर्धारक व संकलक विकास नवाळे, उपअभियंता संजय चामले सहभागी झाले. विकास नवाळे यांनी पत्रकारांना माहिती दिली. दौऱ्यात ज्या चांगल्या बाबी लक्षात आल्या, त्या अंमलबजावणीबद्दल आयुक्त निर्णय घेतील असे नवाळे यांनी सांगितले.
