श्रीनगर : उत्तर काश्मीरमधील उरी येथे अपघाताने झालेल्या स्फोटात दोन जवानांचा बुधवारी मृत्यू झाला. स्फोटात जखमी झालेल्या या दोन्ही जवानांना श्रीनगरमधील लष्कराच्या रुग्णालयात नेण्यात आले. मात्र, दोन्ही जवानांचा रुग्णालयात मृत्यू झाला. अर्जुन जाधव आणि विक्रम बाळकृष्ण अशी त्यांची नावे असून, दोन्ही जवान महाराष्ट्रातील आहेत. जाधव हे मूळचे साताऱ्याचे असून, बाळकृष्ण हे ठाणे जिल्ह्यातील ऐरोली येथील आहेत.
सीमेजवळील कमलकोट भागात ही घटना घडली. स्फोट कशाने झाला याची माहिती लगेच मिळू शकले नाही. सूत्रांनी दिलेल्या माहितीनुसार, शस्त्रांच्या हाताळणीदरम्यान ही घटना घडली. दोन्ही जवान ८ राष्ट्रीय रायफल्समधील आहेत.
