महापूजा, हवाई दलाची प्रात्यक्षिके

या सोहळ्यासाठी येथे आलेल्या पंतप्रधानांचा एक भव्य रोड शो पार पडला. त्यानंतर त्यांच्या हस्ते विशेष महापूजा करण्यात आली. पंतप्रधान श्री शंकराच्या पिंडीवर जलाभिषेक करत असताना पुरोहितवर्गाने वैदिक मंत्रघोष केला. यावेळी शिवलिंगावर कुंभाभिषेकही झाला. यासाठी देशभरातील प्रमुख तीर्थक्षेत्रांतील पवित्र जल एकत्र करण्यात आले होते. पंतप्रधानांसोबत यावेळी गुजरातचे मुख्यमंत्री भूपेंद्र पटेल, उपमुख्यमंत्री हर्ष संघवी हेही उपस्थित होते. या सोहळ्याच्या निमित्ताने ध्वजपूजाही करण्यात आली. तसेच, मंदिरावर हेलिकॉप्टरद्वारे पुष्पवृष्टी झाली. या मंदिरावरील आकाशात हवाई दलाच्या विमानांनी रंगीत धूर सोडून निर्माण केलेली तिरंग्याची प्रतिकृती आकर्षणाचा विषय ठरली.