‘टोयोटा किर्लोस्कर’ राज्यात येणार

मुंबई : ‘महाराष्ट्रात लवकरच नवीन वाहन उत्पादन प्रकल्प उभारण्यात येणार असून, सन २०२९च्या पहिल्या सहामाहीत तिथे उत्पादन सुरू होईल,’ अशी माहिती ‘ टोयोटा किर्लोस्कर मोटर ’तर्फे (टीकेएम) सोमवारी देण्यात आली. हा नवीन प्रकल्प छत्रपती संभाजीनगरनजीकच्या बिडकीन औद्योगिक क्षेत्रात उभारला जाईल. वार्षिक एक लाख वाहन निर्मितीची या प्रकल्पाची क्षमता असून, २८०० नवे रोजगार यामुळे निर्माण होतील.