डेक्कन जिमखाना क्लब आणि आर्यन्स स्पोर्ट्स क्लब यांच्यात ‘डेक्कन जिमखाना करंडक ’ टी-२० क्रिकेट स्पर्धेची अंतिम लढत रंगणार आहे. ही अंतिम लढत आज, सोमवारी होणार आहे.
डेक्कन जिमखाना क्लबच्या मैदानावर ही स्पर्धा सुरू आहे. पहिल्या उपांत्य सामन्यात आर्यन्स स्पोर्ट् स क्लबने युनायटेड स्पोर्ट् स क्लबचा चार विकेटनी पराभव केला. या लढतीत पावसाचा व्यत्यय आला. व्हीजेडी पद्धतीनुसार आर्यन्स संघाने बाजी मारली. दुसऱ्या उपांत्य लढतीत डेक्कन जिमखाना संघाने पूना क्लबवर सहा विकेटनी मात केली.
संक्षिप्त धावफलक : युनायटेड स्पोर्ट् स क्लब - २० षटकांत ७ बाद १७२ (हर्ष ओसवाल ८७ (५५, २ चौकार, ६ षटकार), अक्षन काझी ४६, सुमीत मक्रकाली २-२१, अभिषेक आंब्रे २-३६) व्हिजेडी पद्धतीनुसार पराभूत वि. आर्यन्स स्पोर्ट्स क्लब - १६.३ षटकांत ६ बाद १४९ (महेश म्हस्के ७३ (४३, ९ चौकार, ३ षटकार), हर्ष सांगवी २३, आतिश कुंभार २३, आदित्य राजहंस ३-४२, श्रीनिवास लेहेकर २-३२).
पूना क्लब - २० षटकांत ७ बाद १८४ धावा (अभिनव तिवारी ४६, नौशाद शेख ४१, अर्जुन वाघ ३२, श्रीकांत मुंढे २१, अजय बोरूडे २-३१, आत्मन पोरे २-२६) पराभूत वि. डेक्कन जिमखाना क्लब - १९.५ षटकांत ४ बाद १८८ धावा (अजय बोरूडे नाबाद ४८ (२३, ५ चौकार, ३ षटकार), यश क्षीरसागर नाबाद ४३ (३०, ३ चौकार, २ षटकार), देवराज बेद्रे ४८ (३५, ६ चौकार, १ षटकार), क्रिश शहापूरकर ४०, दिव्यांग हिंगणेकर १-२७).
