फसवणुकीच्या गुन्ह्यात जामिनावर मुक्त असलेला संशयित हा नाशिकरोड मध्यवर्ती कारागृहाच्या आवारातील अधिकारी निवासस्थानाबाहेर कारागृहाच्या अधिकाऱ्यांसोबत मद्यपार्टी करीत असलेला व्हिडीओ सोशल मीडियावर व्हायरल झाल्याने खळबळ उडाली आहे.
कारागृह अधिकाऱ्यांशी संपर्क करण्याचा प्रयत्न केला असता संपर्क होऊ शकला नाही. दरम्यान, या कारागृहात काही बंदी नशापाणी करीत असल्याचा व्हिडीओ काही महिन्यांपूर्वी व्हायरल झाला होता. फसवणुकीच्या गुन्ह्यात जामिनावर मुक्त झालेला संशयित हा कारागृहाच्या आवारातील अधिकारी निवासस्थानाबाहेर तीन अधिकाऱ्यांसोबत मद्यपान करीत असलेला व्हिडीओ रविवारी सोशल मीडियावर व्हायरल झाला. जामिनावर मुक्त असलेला संशयित हा अधिकाऱ्यासोबत कारागृह आवारातील अधिकाऱ्यांच्या निवासस्थानाबाहेर दारूची पार्टी करीत असल्याचे व्हिडीओमध्ये दिसून आल्याने याबाबत उलटसुलट चर्चा सुरू आहे.
