दक्षिण कॅलिफोर्नियातील नुकसानग्रस्त रासायनिक टाकीत विनाशकारी स्फोट होण्याचा धोका रात्रभर केलेल्या उपाययोजनेनंतर दूर झाला आहे. टाकीला पडलेल्या भेगेमुळे दाब कमी झाला आणि रसायन थंड झाल्याची माहिती अधिकाऱ्यांनी सोमवारी दिली.
अग्निशमन दलाच्या जवानांनी रात्री टाकीचे तापमान तपासले, कारण दिवसा टाकीतील उष्णतेमुळे परिसरातील परिस्थिती अत्यंत धोकादायक बनत होती. रात्रीच्या मोहिमेमुळे जवानांना भेग तपासता आली आणि तापमान कमी होत असल्याची खात्री करता आली, असे ऑरेंज काउंटी फायर अथॉरिटीचे विभागीय प्रमुख क्रेग कोव्ही यांनी सांगितले. असे असले तरी कॅलिफोर्नियातील गार्डन ग्रोव्हमधील े ५० हजार लोकांना सुरक्षित ठिकाणी हलविण्याचा आदेश कायम आहे.
