पुण्याहून नागपूरकडे जाणाऱी खासगी लक्झरी बस केंब्रिज चौकात उलटून शनिवारी झालेल्या अपघातात जखमी झालेल्या २२ जणांवर घाटीत उपचार करून रविवारी घरी सोडण्यात आले, अशी माहिती देण्यात आली.
चालकाचे नियंत्रण सुटल्याने उड्डाणपुलाचा संरक्षक कठडा तोडून बस थेट पुलाखाली कोसळली. यात बस अटेंडंटचा मृत्यू होऊन, २५ जखमी प्रवाशांना घाटी रुग्णालयात दाखल करण्यात आले होते. अधिष्ठाता डॉ. शिवाजी सुक्रे यांनी रात्री जखमींची विचारपूस केली.‘२२ प्रवाशांवर घाटीत उपचार करून त्यांना सुटी देण्यात आली. तर, तीन रुग्णांवर अजूनही उपचार सुरू आहेत. तिन्ही रुग्णांची प्रकृती सुधारत आहे,’ असे वैद्यकीय अधीक्षक डॉ. सुरेश हरबडे यांनी सांगितले.