Demand To Reinstate Huang As Ceo 175000 Signatures Collected
हुआंग यांना परत घेण्यासाठी स्वाक्षऱ्या
महाराष्ट्र टाइम्स.कॉम•
हुआंग यांना परत घेण्यासाठी स्वाक्षऱ्या
नवी दिल्ली : चिपनिर्माती कंपनी ‘ एनव्हिडिया ’च्या संचालक मंडळाने जेन्सेन हुआंग यांना पुन्हा सीईओपदी नियुक्त करावे, अशी मागणी करणाऱ्या खुल्या पत्रावर तंत्रज्ञान क्षेत्रातील एलन मस्क यांच्यासह १.७५ लाखांहून अधिक लोकांनी स्वाक्षऱ्या केल्या आहेत. या स्वाक्षरीदारांपैकी ८,७६०हून अधिक जण आपण ‘एनव्हिडिया’चे सध्याचे कर्मचारी असल्याचे सांगतात. हुआंग यांच्या पदत्यागाबाबत स्वतंत्र चौकशीद्वारे वस्तुस्थिती स्पष्ट होईपर्यंत त्यांना पुन्हा पदावर आणावे, अशी मागणी पत्रात करण्यात आली आहे.‘भांडवली नफा
कराचा विचार सुरू’
नवी दिल्ली : केंद्रीय अर्थ मंत्रालय इक्विटीवरील भांडवली नफा कराच्या विविध पैलूंचा अभ्यास करत असून, प्रस्तावित बदल असल्यास ते २०२७-२८ च्या केंद्रीय अर्थसंकल्पात जाहीर होण्याची शक्यता आहे. अर्थसंकल्पपूर्व बैठकांमध्ये विविध संबंधितांकडून आलेल्या सूचनांचा मंत्रालय विचार करीत आहे, असे ‘केंद्रीय प्रत्यक्ष कर मंडळा’चे (सीबीडीटी) अध्यक्ष रवी अग्रवाल म्हणाले.
डॉलरच्या तुलनेत रुपया वधारला
मुंबई : अमेरिकी डॉलरसमोर रुपया सोमवारी २७ पैशांनी वधारून ९३.९२वर बंद झाला. आंतरबँक परकी चलन बाजारात रुपया डॉलरच्या तुलनेत ९४.२२ वर खुला झाला. दिवसभरातील व्यवहारात त्याने ९३.९१ ची उच्चांकी आणि ९४.२५ची नीचांकी पातळी गाठली. सहा चलनांच्या समूहाच्या तुलनेत डॉलरची ताकद मोजणारा डॉलर निर्देशांक ०.०३ टक्क्यांनी वधारला.