सत्ताधारी महायुतीला ‘गोकुळ’मध्ये धक्का
Contributed by: कोल्हापूर,म. टा. प्रतिनिधी|महाराष्ट्र टाइम्स.कॉम•
गोकुळ निवडणुकीत गेले काही दिवस प्रचंड चुरस निर्माण झाली होती. काल ९९ टक्के मतदान झाले. सकाळपासूनच २५ जागांसाठी मतमोजणी झाली. त्यामध्ये त्यामध्ये समविचारी आघाडीचे १३ उमेदवार निवडून आले. महायुतीचे बारा उमेदवार निवडून आले आहेत. प्रमुख पराभूतांमध्ये माजी अध्यक्ष अरुण डोंगळे, विश्वास नारायण पाटील आणि नाविद मुश्रीफ यांचा समावेश आहे. समविचारी आघाडीच्या वतीने अनेक नवीन चेहरे निवडून आले आहेत.या निवडणुकीत आमदार सतेज पाटील यांनी एकाकी झुंज दिली. त्यांच्या विरोधात मंत्री चंद्रकांत पाटील, मंत्री हसन मुश्रीफ, मंत्री प्रकाश आबिटकर यांच्यासह दोन खासदार, दहा आमदार यांनी ताकद लावली होती; पण मतदारांनी महायुतीला धक्का देऊन समविचारी आघाडीला पसंती दिली.
