केळीच्या पाच हजार झाडांवर फिरवला ट्रॅक्टर
Contributed by: अमरावती,म. टा. वृत्तसेवा|महाराष्ट्र टाइम्स.कॉम•
पारंपरिक पिकांना फाटा देत अंजनगाव बारी व लगतच्या भागात मोठ्या आशेने शेतकऱ्यांनी केळी लागवडीला पसंती दिली होती. मात्र, आज हाच निर्णय त्यांच्या अंगलट आला आहे. मेटकर यांनी जुलै २०२५मध्ये तीन एकरांत पाच हजार रोपांची लागवड केली होती. रोपे, ठिबक सिंचन, खते व मशागतीपोटी तीन लाखांहून अधिक भांडवल ओतले. मात्र, पीक तयार झाल्यावर व्यापाऱ्यांनी अवघा ४ ते ५ रुपये प्रतिकिलोचा दर लावून शेतकऱ्यांची उघड अडवणूक सुरू केली. त्यातच ८८ किलोमीटर अंतरावरील बाजारपेठेत माल नेण्याचा प्रवासखर्च परवडणारा नसल्याने, विक्रीतून नफ्याऐवजी तोटाच पदरी पडणार हे उघड झाले. अखेर उघड्या डोळ्यांनी स्वत:चे स्वप्न मातीमोल पाहण्याशिवाय मेटकर यांच्याकडे पर्याय उरला नाही. सध्या संपूर्ण परिसरात हेच चित्र आहे. लाखोंची गुंतवणूक करूनही उत्पादनाला योग्य बाजारभाव मिळत नसल्याने बळीराजा पार कोलमडला आहे. सरकारने तातडीने हस्तक्षेप करावा, अशी मागणी होत आहे.
हेही वाचा
चर्चमध्ये गोळीबार; सात ठार, ३४ जखमी
मान यांना विमानतळावर बसवून ठेवल्याचा आरोप
कॉल रेकॉर्डिंग नियम ‘सेबी’कडून शिथिल
समाजवादी पक्षाविरोधात जोरदार फलकबाजी
इराणवर आणखी लष्करी कारवाई?
ठरवण्यात आलेली किंमत
क्लाउड कम्प्युटिंग क्रांतीचा प्रणेता
आंदोलक विद्यार्थ्यांना पालकांनी घेऊन जावे
परकी चलनसाठ्यात पाच अब्ज डॉलरची घट
‘जिओ’च्या आयपीओसाठी एक कोटींहून अधिक अर्ज
