‘एपीएससी’विरोधात परीक्षार्थींचा आक्रोश
महाराष्ट्र टाइम्स.कॉम•
‘एमपीएससी’ आयोगाच्या कारभारावरून विद्यार्थ्यांची संतापाची धग आता राज्यभरातील विविध भागांत दिसून येत आहे. मराठवाड्यात छत्रपती संभाजीनगरमध्ये आज शेकडो परीक्षार्थी सकाळपासून क्रांती चौकात जमा होत होते. क्रांती चौकात औरंगपुरा, निराला बाजार, टीव्ही सेंटर, नागेश्वरवाडी अशा विविध भागांतून स्पर्धा परीक्षांची तयारी करणारे तरुण एकत्र येत होते. सर्वसामान्य, शेतकरी कुटुंबातील मुले वर्षानुवर्षे मेहनत करून परीक्षा देतात; त्यांच्या भविष्याशी खेळण्याचा अधिकार कोणाला नाही, असे सांगून विद्यार्थ्यांनी आयोगाच्या कारभावर नाराजी व्यक्त केली.परीक्षेच्या पारदर्शकतेवर प्रश्नचिन्ह निर्माण होत असल्याचा आरोप विद्यार्थ्यांनी केला. आयोगाच्या विविध परीक्षांमधील गैरप्रकार, निकालातील विसंगती, परीक्षा प्रक्रियेबाबत संशयामुळे नाराजी असल्याचे विद्यार्थ्यांनी सांगितले. पेपरफुटीसारख्या प्रकरणांची पारदर्शक पद्धतीने चौकशी करावी अशी मागणी विद्यार्थ्यांनी केली. या वेळी विद्यार्थ्यांनी ‘आमच्या येथे पेपर मिळेल ते पण पार्किंगमध्येच..’, ‘एमपीएससी ड्रग इन्स्पेक्टर घोटाळा’, ‘कॉमर्सचे कॅडर वेगळे करून कॉमर्सला न्याय द्या..’, ‘एमपीएससी ऑफिसमधून लीक?, तीन अधिकारी अटकेत’, ‘स्टेनो वाचवा’ अशा आशयांचे फलकाद्वारेही आंदोलक विद्यार्थ्यांनी रोष व्यक्त केला. आंदोलनानंतर विभागीय आयुक्तांना निवेदन देण्यात आले. यामध्ये विविध मागण्या मांडण्यात आल्या.
हेही वाचा
‘रजनीगंधा’स मनाई, बॅरेल कॅफेला लावली आग
वेळेत उत्तर न देणे भोवले
मतदार यादीत नाव शोधा
दीक्षाभूमी अध्यक्षपदाचा वाद शमेना
११० गोवंशांची सुटका
गुन्हा मागे घ्या, अन्यथा आंदोलन
१२ सप्टेंबरला राष्ट्रीय लोकअदालत
एकतर्फी प्रेमातून विद्यार्थिनीचा विनयभंग
डीजे’, ‘प्रेशरमीड’ आणि ‘प्लाझ्मा’ म्हणजे नेमके काय?
आपण असे का वागतो?
