मुंबई-कोकण रस्ते मार्गावरील खड्डे आणि वाहतूककोंडी टाळण्यासाठी कोकण रेल्वेने प्रथमच खासगी गाडीसह प्रवासी वाहतूक करण्यासाठी रो-रो सेवेची घोषणा केली होती. पहिल्या रो-रोमध्ये अवघ्या पाच कार आणि १९ प्रवाशांनी प्रवास केला. यासाठी साधारण १० मालवाहतुकीचे आणि दोन प्रवासी डबे जोडण्यात आले होते. ‘ऐन गर्दीच्या हंगामात कोकण रेल्वेच्या मार्गावर १२ रेल्वे डब्यातून अवघे १९ प्रवासी प्रवास करत असल्यास अन्य रेल्वे प्रवाशांची ही थट्टाच म्हणता येईल’, असे अखंड कोकण रेल्वे प्रवासी सेवा समितीचे सचिव अक्षय महापदी यांनी सांगितले.महागडे भाडे आणि गाडी लोडिंग आणि अनलोडिंग करण्यासाठी लागणारा वेळ यांमुळे पहिल्या दिवसापासून कोकण रेल्वेची कार वाहतुकीची रो-रो प्रवाशांकडून टीका करण्यात आली होती. पहिल्या रो-रो सेवेसाठी किमान १६ वाहनांची मर्यादा होती. प्रवासी प्रतिसाद वाढवण्यासाठी नांदगाव रोड हा विशेष थांबा घोषित करण्यात आला. दोन वेळा मुदतवाढ देण्यात आली. अखेर प्रत्यक्ष प्रवासाच्या दिवशी केवळ पाच कारसह रो-रो कोलाडहून वेर्णासाठी रवाना झाली. नांदगावपर्यंत चार वाहने आणि वेर्णापर्यंत एका गाडीने रो-रोचा प्रवास पूर्ण केला आहे.
मुंबई-कोकण रस्ते मार्गावरील खड्डे आणि वाहतूककोंडी टाळण्यासाठी कोकण रेल्वेने प्रथमच खासगी गाडीसह प्रवासी वाहतूक करण्यासाठी रो-रो सेवेची घोषणा केली होती. पहिल्या रो-रोमध्ये अवघ्या पाच कार आणि १९ प्रवाशांनी प्रवास केला. यासाठी साधारण १० मालवाहतुकीचे आणि दोन प्रवासी डबे जोडण्यात आले होते. ‘ऐन गर्दीच्या हंगामात कोकण रेल्वेच्या मार्गावर १२ रेल्वे डब्यातून अवघे १९ प्रवासी प्रवास करत असल्यास अन्य रेल्वे प्रवाशांची ही थट्टाच म्हणता येईल’, असे अखंड कोकण रेल्वे प्रवासी सेवा समितीचे सचिव अक्षय महापदी यांनी सांगितले.महागडे भाडे आणि गाडी लोडिंग आणि अनलोडिंग करण्यासाठी लागणारा वेळ यांमुळे पहिल्या दिवसापासून कोकण रेल्वेची कार वाहतुकीची रो-रो प्रवाशांकडून टीका करण्यात आली होती. पहिल्या रो-रो सेवेसाठी किमान १६ वाहनांची मर्यादा होती. प्रवासी प्रतिसाद वाढवण्यासाठी नांदगाव रोड हा विशेष थांबा घोषित करण्यात आला. दोन वेळा मुदतवाढ देण्यात आली. अखेर प्रत्यक्ष प्रवासाच्या दिवशी केवळ पाच कारसह रो-रो कोलाडहून वेर्णासाठी रवाना झाली. नांदगावपर्यंत चार वाहने आणि वेर्णापर्यंत एका गाडीने रो-रोचा प्रवास पूर्ण केला आहे.
